ឃាត់ខ្លួនជនសង្ស័យប្រុស-ស្រី២នាក់ ករណីជួញដូរគ្រឿងញៀនជិត២ម៉ឺនគ្រាប់ និងម្សៅក្រាមសថ្លា៦ថង់ ស្មើ៣០៨,៤០ក្រាម ត្រូវបានបញ្ជូនទៅសាលាដំបូងខេត្តបន្ទាយមានជ័យ
ខេត្តបន្ទាយមានជ័យ ៖ ឃាត់ខ្លួនជនសង្ស័យប្រុស-ស្រី២នាក់ ករណីជួញដូរគ្រឿងញៀនប្រភេទគ្រាប់ជិត២ម៉ឺនគ្រាប់ និងម្សៅក្រាមសថ្លា៦ថង់ ស្មើ៣០៨,៤០ក្រាម ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៣ ខែឧសភា ឆ្នាំ២០២៤។
លោកឧត្តមសេនីយ៍ត្រី ធិន ស៊ិនដេត ស្នងការរងផែនការងារប្រឈងបទល្មើសគ្រឿងញៀននៃស្នងការដ្ឋាននគរបាលខេត្តបន្ទាយមានជ័យបានប្រាប់ថា៖ជនសង្ស័យ២នាក់ មាន១-ឈ្មោះ ឆេង លាង ភេទប្រុស អាយុ៣៩ឆ្នាំ ២-ឈ្មោះ សាន សាណា ភេទស្រី អាយុ៣៩ឆ្នាំ ដែលរស់នៅភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។
លោកបានបញ្ជាក់ថា នៅពេលឃាត់ជនសង្ស័យកម្លាំងការិយាល័យនគរបាលប្រឆាំងគ្រឿងញៀនខេត្តបន្ទាយមានជ័យ បានសហការជាមួយកម្លាំងនគរបាលក្រុងប៉ោយប៉ែត បានធ្វើការស្រាវជ្រាវនិងកំណត់មុខសញ្ញាបង្ក្រាបឃាត់ខ្លួនជនសង្ស័យប្រុស.ស្រី២នាក់នៅកន្លែងដោយឡែកគ្នា និងដកហូតគ្រឿងញៀនប្រភេទម្សៅក្រាមសថ្លា៦ថង់ ស្មើ៣០៨,៤០ក្រាម គ្រឿងញៀនប្រភេទគ្រាប់WYចំនួន១៩.០៦១គ្រាប់ និងរថយន្ត១គ្រឿងសម្ភារមួយចំនួន ដែលឃាត់កាលពីថ្ងៃទី០២ ខែឧសភា ឆ្នាំ២០២៤ នៅចំណុចភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត។
លោកឧត្តមសេនីយ៍ត្រី ធិន ស៊ិនដេត បានបញ្ជាក់ថា ក្រោយឃាត់ខ្លួនជនសង្ស័យ២នាក់ និងវត្ថុតាងគ្រឿង ត្រូវបាននាំខ្លួនទៅសាកសួរតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ៕
Post a Comment