តុលាការព្រហ្មទណ្ឌថៃ ចេញដីកាចាប់ខ្លួនមន្ត្រីនគរបាលជាន់ខ្ពស់ម្នាក់ពីបទលាងលុយកខ្វក់
ថៃ៖ សេចក្ដីរាយការណ៍របស់naewna Radio បានឱ្យដឹងថា នៅថ្ងៃទី២ ខែមេសា ឆ្នាំ២០២៤នេះ តុលាការព្រហ្មទណ្ឌថៃបានចេញដីកាចាប់ខ្លួន លោកឧត្តមសេនីយ៍ឯក សូរ៉ាឆេត ហាកផាន ឬ(Big Joke) អគ្គស្នងការរងនគរបាលជាតិ ក្រោមបទចោទប្រកាន់ពីបទគប់គិតដើម្បីលាងលុយកខ្វក់តាមរយៈគេហទំព័រល្បែងភ្នាល់អនឡាញ។
តុលាការបានធ្វើការសន្និដ្ឋានថា ជនជាប់ចោទបានគេចពីដីកាកោះហៅរបស់មន្ត្រីស៊ើបអង្កេតរួចមកហើយ ហើយករណីនេះស្ថិតនៅក្រោមយុត្តាធិការរបស់តុលាការព្រហ្មទណ្ឌ។ ខណៈដែលលោកវរសេនីយ៍ទោ សារ៉ាវុធ ប៊ុតឌី អគ្គនាយករងផ្នែកស៊ើបអង្កេតនៃអគ្គស្នងការគរបាលជាតិថៃដែលទទួលខុសលើផ្នែកស៊ើបអង្កេតករណីគេហទំព័រល្បែងភ្នាល់ស៊ីសងតាមអនឡាញបានដាក់ពាក្យស្នើសុំតុលាការព្រហ្មទណ្ឌឱ្យចេញដីកាចាប់ខ្លួនលោកឧត្តមសេនីយ៍ឯក សូរ៉ាឆេត ហាកផាន អគ្គស្នងការរងនគរបាលជាតិ។
តុលាការព្រហ្មទណ្ឌក៏បានពិចារណាលើសំណើនេះ និងបានចេញដីកាចាប់ខ្លួនពីបទលាងលុយកខ្វក់ ហើយនឹងត្រូវបន្តនីតិវិធីច្បាប់ជាបន្តទៀត៕
Post a Comment